今日第一日返工,
起初返到去都冇咩做架,之後文叔叫我幫科哥佢地搬d野,等佢地可以快d出車,
之後翔仔帶我去睇戈d紅,白清酒,之後教埋我記住d名,
等我執貨戈陣唔怕執錯野....
雖然上就係好多野做,
不過都好啊...
可以學到d紅酒知識....
之後做到十二點幾就放工la

雖然今日做既野唔係自己範圍.
不過可以學到d唔同既野...
但係聽日就真係出去碼頭清關,入數啦...
希望可以生生性性做好呢一份工作la~!!

好想快d儲到錢,考車&過英國呀~!!
快d到12月啦...

都好耐冇打過xg啦,到而家都差唔多1個月,係呢一個月裡面,都係同平時一樣,7月12日,同班fd走左過香港,行下街,食下野,shopping同埋影下香港d靚景咁,今次過到去,都係買套3,同埋對鞋,之後去MK睇野,之後係無印X品買D零食,THEN去埋銅鑼灣戈邊,之後再直剷落灣仔,個行程大致上係咁,今次既HK之旅收穫豐富,買左唔少野.....只係食戈方面有D超出預算,不過都好既,可以同班FD一齊出去玩下,去旅行散下心都唔錯架,好過係屋企做宅男,雖然係洗左好多錢,不過都抵番哂 la~!!
跟住8月頭參加左宣道堂既LTI,係戈度識左唔少fd,雖然有d之前已經係同一個堂既人,但係經過左今次既課程之後,某d人對我已經改觀左,先知道,完來我係一個好玩得既人,只係之前一d誤解,以為我係同某個弟兄既性格一樣,所以d關係都係一般,經過戈次之後,戈d人已經當我係fd咁看待,得閒戈陣成班都玩到癲哂.......,同埋特別既係,我奇蹟地識到某個堂會既姐妹,戈個女仔人品都唔錯,同埋又玩得下,一齊做個朋友都幾好呀,不過下環堂戈班嘩鬼成日講笑咁講話:[你個咸濕仔,頭先係度溝其他堂d姐妹呀,因住比牧師鬧呀~!!],之後我答佢地:[做fd姐ma,唔好溝溝聲咁難聽,我一定幫沙宣省靚個招牌,]因為''沙宣出品 必屬佳品'',所以下,沙既人可以唔洗擔心....
都係戈句:''做fd姐'' 呢d野,都係黎既黎得快,走都走得好快,所以各位,要識得把握時間呀,唔係個個人都咁等得呀,唔好等戈個人走左先黎埋怨呀~!!
雖然有d野要黎得自然,但係都唔好係度''等運到''呀....呢樣野,一定要識得捉實佢...所以,機會黎,就不要輕易放過~!!